尚上下夏2.8 - 養生雞煲火鍋x冰室 (已結業)

心情唔好，老公带我食好嘢，老公讲得啱，心情好要食嘢，心情唔好更加要食嘢，所以佢就车咗我过海，带我去食好嘢🥰🥰🥰尚上下夏2.8 - 养生鸡煲火锅x冰室地址：湾仔谭臣道1-3号长康大厦地舖鸡煲 BB辣 $178因为果日我哋三个人，其中一位食唔到辣，所以我哋就叫咗BB辣，鸡够滑，酱料好入味，甜甜哋，配料仲有猪皮，哗，真系正到晕呀，吸晒鸡煲嘅汁d精华，真系一绝。👍👍👍 瑶柱群翅鸡汤 $58 + $20食完鸡煲就可以直接加汤去打边炉，但由于我想直接食到汤底嘅原味，所以我就$20直接连煲都换埋，汤底好香，好重胶质，仲有好香嘅金华火腿味添，咁正嘅汤，当然系未落食物之前饮返碗先啦！😆😆😆 手切顶级安格斯（大） $288 即叫即切，好有肉味，入口香、淋、滑。😀😀😀即炸响铃 $63即叫即炸，攞到出嚟热辣辣，就咁食同浸汤食都同样咁正。🤗🤗🤗 黑柏叶 $98 食佢梗系要7上8下啦，咁先够爽口唔老。🤣🤣🤣 鹅肠 （细）$48 够爽口，又唔会有肠嘅臭味。😊😊😊 虾胶酿冬菇 （细） $48 冬菇够厚身，虾胶够弹牙。😁😁😁 鬼马墨鱼 $60油炸鬼上面酿咗墨鱼滑，油炸鬼吸咗汤汁后再加弹牙嘅墨鱼滑，口感非常正。😃😃