人和月雞煲火鍋店 (已結業)

新开张冇几耐嘅人和月鸡煲火锅店，晚市有120分钟火锅放题，有三个价位，只要分别在于海鲜、牛肉种类等等。打边炉前先食招牌麻辣鸡煲，除左鸡煲，仲可以拣酸菜鱼或韩式芝士鸡。唔怕辣可以叫中辣以上，我呢个系小辣，入口香甜惹味带微辣，越食越香越开胃！解渴解辣凉伴有呢堆自家制饮品，例如桂花乌龙、罗汉果菊花蜜，清甜解渴。饮品柜好多款式。火锅配料自助区，整齐企理。大满贯吃到饱包埋海鲜拼盘，以及牛肉大满贯！海鲜新鲜，鲍鱼弹牙有鲜味！胡椒猪肚汤底配海鲜及肉类都几夹。甜品区有自家制豆腐花、芋圆，好滑溜。