豐鍋雞煲 (荔枝角道) (已結業)

疫情有少少缓和就谂住食餐好嘅，因为实在太耐冇食鸡煲打边炉，出去食饭第一时间就谂起鸡煲，呢间鸡煲火锅店主打系鸡煲，紧系要叫黎试吓啦。鸡煲一上枱已经好香麻辣味，店员话未食得住，佢就帮我地捞匀个鸡煲，佢话再滚2分钟d鸡就啱啱熟，我地叫咗中辣，捞紧果时已经劲香，终于食得啦，d鸡件吸收晒d麻辣酱汁，好惹味，其实中辣都几辣，d鸡食落都好滑，仲有大量紫洋葱同芫荽，真系好好味。食完鸡煲紧系唔少得打边炉啦，顶级雪花肥牛，d牛肉肥瘦适中，好重肉味，唔会太油腻。麻辣云吞，出面好少食到，咬落有少少麻辣味浸出黎，唔会太辣，入面d材料都几丰富，有虾，木耳同猪肉，食落好juice,都几特别。手工即炸鱼皮，呢个非常惊喜，d鱼皮系成条鱼嘅皮，系原条好大条，因为系即炸好香脆，上枱时热辣辣，上面仲洒咗d椒盐喺面，即食同放汤打边炉都好好食。打边炉唔少得饮野啦，我地叫咗2款特饮，乌梅汁，酸酸甜甜好开胃，个味道似酸梅汤，而水蜜桃梳打，好香水蜜桃味，加埋有气嘅梳打，非常解渴。