川味雞烤魚大王 (大河道)

营业中

休息中

呢排落雨，天雨又冻，好想去打边炉，所以就拣咗呢间近屋企嘅餐厅试吓。依家餐厅有鸡煲同埋烤鱼，因为未试过烤鱼，所以今次就拣咗川味酸菜烤鱼黎试吓。由于我朋友唔食得辣，所以拣左BB辣。朋友都觉得食落系唔辣既，但系就FEEL到个咀有麻麻地既感觉，所以唔食得辣既人都可以试下呢个烤鱼。而且佢个烤鱼汤底有啲酸菜，所以食落有啲酸辣嘅感觉，几惹味。条鱼好大条，唔多骨，啲肉好嫩滑添！几推介嘅!由于得两个人食，我哋唔系叫左好多打边炉嘅配菜。我觉得值得推介嘅就系佢嘅豚肉片啦，一碟唔系好多块但块算厚身同埋QUALITY几好，咬落几弹牙唔似平时出面打边炉好薄果Ｄ咁。其他都无咩特别。另外仲试左佢个口水鸡，一碟都有几多旧下，同埋都系唔辣既，但系几香口，都可以试下。整体黎讲佢既烤鱼真系好唔错，Ｄ肉够哂嫩滑同埋汤底够惹味。佢打边炉既配选择唔多，份量偏细同埋唔系话好平，但系质素几好！饮品选择方面有汽水，凉茶同埋啤酒。