影片
更多
2012-10-03
28 浏览
睇左U-Magazine的介绍，个鸡煲好吸引搞到我流晒口水，OR又咁多好评，见入秋后未食过鸡煲，就即兴同朋友去呢度会一会佢。八点半去到，点知无位，店员话最快都要等到九点，早知一早打来订位先啦．．．好彩间舖响旺角，可以行阵街等。到九点，都仲未有位，见九点半后有八折，一于就等到九点半先入去。等位期间望入间舖，地方唔系好大，但装修好靓好高级咁，灯光好有mood，令到我好期待想快D到九点半！Yeah终于入到去，一坐低就有生果食！我不嬲只好汽水，呢度除左一般嘅可乐忌廉芬达，仲竟然有我最爱嘅Ginger Ale，唔洗谂，即来一罐润下喉先啦！侍应话个煲即叫即整要廿分钟，咁就叫个例牌小辣先，小食有个辣子肠头，问侍应即系咩，佢话即系炸大肠但系加左麻辣．．．炸大肠又系小弟另一飞佛，要！火锅料就点左个竹生皇，美国肥牛，鳝，响铃同菜篮。辣子肠头先上，好脆好麻，好开胃！跟住上鸡煲，个煲来到焗一阵先开盖，哗好香呀！！同杂志讲嘅一样，系食完鸡先加汤，每件鸡都挂有好浓嘅酱汁，望都已经觉得好惹味，即刻试旧先．．．系坚好味㖞！鸡煲味道好正，鸡够滑，辣度适中，朋友唔系好食得辣但呢个小辣佢都OK接受到，仲越食越起劲添！个咀食
等位期间望入间舖，地方唔系好大，但装修好靓好高级咁，灯光好有mood，令到我好期待想快D到九点半！
Yeah终于入到去，一坐低就有生果食！我不嬲只好汽水，呢度除左一般嘅可乐忌廉芬达，仲竟然有我最爱嘅Ginger Ale，唔洗谂，即来一罐润下喉先啦！
侍应话个煲即叫即整要廿分钟，咁就叫个例牌小辣先，小食有个辣子肠头，问侍应即系咩，佢话即系炸大肠但系加左麻辣．．．炸大肠又系小弟另一飞佛，要！火锅料就点左个竹生皇，美国肥牛，鳝，响铃同菜篮。
辣子肠头先上，好脆好麻，好开胃！
跟住上鸡煲，个煲来到焗一阵先开盖，哗好香呀！！同杂志讲嘅一样，系食完鸡先加汤，每件鸡都挂有好浓嘅酱汁，望都已经觉得好惹味，即刻试旧先．．．系坚好味㖞！鸡煲味道好正，鸡够滑，辣度适中，朋友唔系好食得辣但呢个小辣佢都OK接受到，仲越食越起劲添！个咀食食下开始feel到有d麻，但食鸡煲就系要追求呢个又辣又麻嘅感觉，一路食一路麻，好过瘾！
食完鸡加汤打边炉，汤有两只，清汤同辣汤，侍应话辣汤会好味D，就要辣汤啦！成煲汤好有层次，又麻又辣又甜甜地。
竹生皇超大条，出面打边炉未食过，米线果d蚊型缩水竹生冇得比。竹生索晒D汤汁超正！赞！
其他食物都唔错，够大碟抵食！个菜篮有唐生菜粟米金菇鲜冬菇蕃茄，砌得好靓。食完真系有雪米糍送，冰一冰个咀，正！！试问你食过几多间鸡煲会有甜品送咁贴心？
食物有质素，环境又舒服，招呼又好，同级数响尖沙咀铜锣湾无三旧都出唔到门口啦！家阵有折二百左右就享受到同样嘅quality，我一定会再来support的 !!!
题外话/补充资料：
最好早d订位
厕所正如前面D食评咁讲，坚干净
走左出到门口，食完件衫无乜味，掂！
(以上食记乃用户个人意见 , 并不代表OpenRice之观点。)
张贴
