傷心酸辣粉 (桂林街)

营业中

休息中

去完黄金买野, 急不及待揾个地方边食边欣赏战利品. 原本谂住简单食碗粉就入黎伤心, 坐低左同行友人话呢间有鸡煲鱼煲食, 所以要左个煲.半只麻辣鸡煲要BB辣, 鸡煲煮左一阵已经香味溢出, 半只鸡件数都算多, 配料主要系葱, 芹菜, 洋葱之类.鸡肉肉厚入味, 入口软滑唔鞋口. 一食既时侯唔觉好辣, 好易入口够惹味. 食食下个底原来好多汁, 所以点多少少, 点知个味道完全唔同左, 辣之中仲带少少麻感, 仲越黎越辣, 不过辣得过引.卤水拼盆有红肠, 翼尖, 牛肚, 卤水蛋, 卤水肉等等, 卤水唔算太咸仲几入味, 特别系翼尖唔会太细太瘦, 唔错好开胃, 卤水肉够腍, 牛肚爽而有咬口.酥炸抄手, 入面系肉既馅料, 外面炸得够香脆, 唔油腻, 外脆内嫩, 点埋甜酸酱更加开胃.