翠榮雞煲火鍋

营业中

休息中

其实黎依度大多得我同朋友仔两个人，今晚特别地小云同毕比一齐食，共四个，随意画几样野，唔知佢地想食咩。因为翠荣主打食鸡煲，所以生料不太多选择，亦机乎无海鲜，不过可以自己带食物打边炉，但会收加工费。咸菜胡椒猪肚鸡煲一只，平时得我同朋友仔两个都食一只，依家四个都只系叫一只，唔够先再加鸡啦 ﹗因小云同毕比都唔食得辣，唔洗考虑奇味鸡煲，奇味鸡唔辣唔好食。美国桶蚝，切忌太过巨形，3 吋左右已经够晒肥美喇 ﹗太巨形难熟、口感较实，而裙边同带子位老到有渣食唔到呢。依碟 size 就够晒标准喇，刚刚好。食美国桶蚝我钟意约 8 到 9 成熟，比起 5 成熟更芳香更弹牙。正呀，味浓、鲜味、creamy 又多汁，好满意 ﹗白牛柏叶，切到好幼㖞，得唔得架？烚一烚，又鲜又爽，都几好，不过大旧返少少个口感会更好。自家制鲜腐，好好味 ﹗今次硬左少少又干左少少，有点失手㖞，每次都必食架，依家一次比一次差。竹笙，打边炉必备，健康有益，索汤一流。鸡子，有鲜鸡子就好啦，香浓带蛋味架，火鸡子都要食住先，止下渴麻。猪润、白萝卜、贡丸、芝心丸，大路野无咩特别。腐竹？﹗劲搞笑，成块咁上啰，系咪为左烚熟方便夹呢？金菇，连根上好核突呀