倫哥尚品火鍋私房菜 (已結業)

呢间餐厅可以一次过食晒刺身、鸡煲同埋打边炉，而且都系用咗半任食嘅模式，所以唔使惊食唔饱。一开始嚟咗两碟小菜顶一顶肚先，分别系四季豆同埋木耳，佢哋都系用咗啲酸酸辣辣去调味，食落唔会话太辣，都令人有多咗胃口。木耳同埋四季豆都好爽唔会话太林。之后就到鱼生，系以人头去计份量，每人一两件到。味道都几新鲜，不过不失，不过钟意食嘅朋友可能会厌唔够喉，但之后大把野比你食。去到鸡煲，要煮去八分钟先，每两分钟就有个侍应姐姐哥哥泥搅下佢再焗返。成个过程都好虐心同细心。见住啲鸡好肚饿但佢地又好好人帮忙煮。啲鸡好入味，不过小辣唔系好够辣，味道好似咖哩咁。到后期可以加啲猪皮、牛栢叶同鱿鱼。同埋鸡煲系可以任添架。打边炉有得拣龙虾或者蟹，到后期龙虾已经无晒啦所以唯有拣蟹煲。有个海鲜拼盘，有象拔蚌啊蟹啊虾啊鲍鱼仔等等，都几新鲜，只要海鲜系新鲜嘅都会好好食。牛肩肉都几特别，唔似一般嘅肥牛，食落好有口感唔会好似肥牛咁咬两下就无咗，而且牛味都好出。其他配料例如菇啊、菜类、响铃等都系可以再叫架。