影片
更多
2016-05-20
1867 浏览
朋友住楼上话呢间野唔错，遇著一班好友去探完佢就walkin 入去，6点半得2 3 枱客唔使等位。等鸡煲之前试左2款小食，金砖豆腐真系炸得好靓，外脆内滑，有d椒盐既调味，配喼汁点，好快比我地秒杀左，推介! 墨鱼滑酿油炸鬼都好脆 ，不过硬左少少，都系金砖好味d。叫左小辣鸡煲上枱了，d鸡好香酱油味，d肉肉质虽然唔厚但1d都唔鞋，4 5 个人食1只份量够，够哂滋味。最后梗系食大蒜啦，大蒜系鸡煲的最佳配角，呢度既大蒜好大粒，同韩国大蒜有得比，煲到淋哂入哂味，质感有d似薯仔就最正，朋友话我重口味㖞，唔好玩啦，食鸡煲唔重口味咩，一于人弃我取，比我清哂，yeah。食完鸡到加汤食火锅，叫左个$398 牛肉拼盘，最正是牛舌同牛胸腹，肉质鲜甜有弹性，朋友独爱图中白色既牛胸爽，第1次食觉得好重牛脂味有头，可以一试既，不过其他都系留比朋友食喇，广岛蚝好大只肉质够厚，虽然是冷藏货是常识，但煮完依然爽滑，海虾好新鲜有膏，不过火喉先系最重要一环，煮大约3分钟就ok ，咁先保留到虾肉鲜味弹牙。响铃同手打丸是自家制，响铃上枱时仲系热的，浸1浸汤上水，吸收汤味之外入面仲系好脆，正。手打丸好弹牙，推介虾丸。叫左支鸿福堂竹
朋友住楼上话呢间野唔错，遇著一班好友去探完佢就walkin 入去，6点半得2 3 枱客唔使等位。
等鸡煲之前试左2款小食，金砖豆腐真系炸得好靓，外脆内滑，有d椒盐既调味，配喼汁点，好快比我地秒杀左，推介! 墨鱼滑酿油炸鬼都好脆 ，不过硬左少少，都系金砖好味d。叫左小辣鸡煲上枱了，d鸡好香酱油味，d肉肉质虽然唔厚但1d都唔鞋，4 5 个人食1只份量够，够哂滋味。最后梗系食大蒜啦，大蒜系鸡煲的最佳配角，呢度既大蒜好大粒，同韩国大蒜有得比，煲到淋哂入哂味，质感有d似薯仔就最正，朋友话我重口味㖞，唔好玩啦，食鸡煲唔重口味咩，一于人弃我取，比我清哂，yeah。
食完鸡到加汤食火锅，叫左个$398 牛肉拼盘，最正是牛舌同牛胸腹，肉质鲜甜有弹性，朋友独爱图中白色既牛胸爽，第1次食觉得好重牛脂味有头，可以一试既，不过其他都系留比朋友食喇，广岛蚝好大只肉质够厚，虽然是冷藏货是常识，但煮完依然爽滑，海虾好新鲜有膏，不过火喉先系最重要一环，煮大约3分钟就ok ，咁先保留到虾肉鲜味弹牙。响铃同手打丸是自家制，响铃上枱时仲系热的，浸1浸汤上水，吸收汤味之外入面仲系好脆，正。手打丸好弹牙，推介虾丸。
叫左支鸿福堂竹庶茅根配火锅就最夹啦，够冻够大支，食完店面开始坐满，理单每位250，价钱算是合理。张贴
