緣聚鮮鍋 (已結業)

又去咗大鸿辉打边炉， 一入到地下，就见到两条长长嘅人龙， 好彩今次我去呢间喺3楼， 用扶手电梯就可以去到， 唔使嘥时间排队等䢂，朋友食过呢间嘅鸡煲话好正， 今日特登嚟就系为咗帮衬佢个鸡煲，拣咗小辣， 同朋友一坐低，就一个负责q r code落order，一个负责出去睇下有啲咩饮品，同埋熟食、甜品、餐前小食……先讲非酒精饮品，有好多选择，唔同种类嘅汽水，或者柠檬茶，利宾纳或者无糖茶都有， 最值得一赞嘅系呢排天气冻， 仲有一个热柜放野饮。我同朋友冇拣到啤酒任饮， 不过都见到雪柜里面，好多唔同款式，唔同种类嘅支装啤酒任拣， 如果钟意饮啤酒嘅，嚟呢度任饮樽装啤酒应该好开心。跟住仲有啲熟食同埋餐前小食任拣，试过几款，味道都唔错。甜品有啫喱、布甸、豆腐花同雪糕，雪糕有5只味道拣。讲下个重头戏鸡煲先， 好大煲好多肉， 好香好足料， 啖啖肉好惹味，而且啲鸡肉亦都好嫩滑。我哋食完个鸡煲之后，侍应就帮我哋加汤变打边炉，我哋即刻试呢个美国特级封门柳， 好有肉味， 而且呢个鸡煲汤底滚两滚， 就算唔点调味料都好食。仲有试过海虾、沙白、蚝肉同极上黑豚肉，几好食，海虾够新鲜，鲜甜，沙白又新鲜无沙。而且佢仲会送一客点