前家樂餐廳火鍋店 (已結業)

近呢几日天气开始凉返，秋天就黎啦～又系开始大量食火锅，鸡煲既最佳季节。今日同几个好耐无见既中学同学聚会，有人提议食鸡煲，大家都举手赞成。今次拣呢间鸡煲店系大角咀，奥运站行过去大概5分钟左右，门口已经见到有好大张menu写住有唔同既鸡煲选择。我地点左个麻辣鸡煲同醉鸡煲，口感真系完全唔同。麻辣鸡煲系好香好惹味，有唔同辣度可以选择，而且佢哋用既鸡好嫩滑，就算煲得耐但系都唔会好快老。醉鸡煲就真系好有惊喜，因为用左花雕酒去整，所以酒香味好浓郁扑鼻，所有鸡块都吸晒花雕酒的香味，特别系而家秋冬天开始就更加啱食，食完一定暖笠笠！食完醉鸡之后再落其他配料都好正，不论系麻辣煲定醉鸡煲都好match，火锅料选择都好多而且好新鲜！