寶寶雞煲 (已搬遷) 新店位置

鸡煲店打边炉@太子一心嚟食鸡煲，点知海鲜火锅 $198/位而且无加一，结果就转咗打边炉 😂 如果有 book 位，可以讲定要粥底火锅𠻹～首先有个环球海鲜盘，有八款唔同嘅海鲜，丰富到爆！海鲜篮有龙趸、鱿鱼、生蚝、带子、蚬、蚌、膏蟹仔同虾。侍应仲好细心咁一早摆定两个桶仔，俾我哋掉壳。啲海鲜全部大大只，size 唔细㗎㖞。真系好新鲜好鲜甜，样样都好掂 😍大虾好生猛，肉质爽弹 👍🏻 原本见抵食先拣呢个餐，无谂过呢个价钱有咁好质素嘅海鲜，超值！海鲜之后套餐包咗自选八款火锅配料，各种肉类、手打丸、饺同菜等等，选择都唔少。美国牛肉带点脂肪纹理，食落柔软唔干柴。手切鲜牛肉切得厚啲，口感强烈啲。味道亦浓味啲，牛肉味重啲。日本黑豚肉都好好食，无普通猪肉𠮶啲肉膻味。食落系滑嘅唔嚡～自制墨鱼丸使唔使咁大粒啊？自制嘅果然弹牙得多 😋鱼皮饺个皮几薄，肉馅包到胀胀～炸鱼皮脆到无人有，调味适中唔会过咸，俾朋友送啤酒一流。最尾两样就点咗啲蔬菜、菌类，食完肉食翻啲菜就啱哂。唔饮啤酒嘅朋友就叫咗渣洛神花茶，酸酸甜甜又清凉，一渣都好够饮。