拍板風味 (已結業)

身为鸡煲控的我，又极之非常钟意食川味辣野，要系香港揾间一次过满足两个愿望嘅食店，真系痴心妄想好彩食友通风报讯，有间新开隐世小店，绝对啱我口味。二话不说，收工即刻冲去。望见拍板风味四字，已闻到阵阵刺激香辣味的引诱打开菜牌，辣鸡煲，要！夫妻肺片，要！冰镇鸡杂，正！尖椒皮蛋，吃！农家小炒肉，识食湖南菜，必吃！仲见到有贵州酸菜鱼唉……，个肚装唔落，下次先。先送上凉菜，鸡肾鸡肝，好新鲜！唔太腍唔太硬，以麻辣汁浸透胜过旁边的夫妻肺片几皮。再试下尖椒皮蛋，碎粒尖椒，唔够辣！反而皮蛋溏心，味道又浓又香，如果配上酸紫姜，就冇得输了。到农家小炒肉登场，红椒、尖椒、干葱炒猪爽肉，火候够，肉炸过，咬落脆爽，几特别不过，我还是喜欢湖南小炒肉的香辣咸油混成一体的味道终于辣鸡煲上枱，散发出香喷喷嘅麻辣味，件件鸡球嫩滑，咬下去弹牙，煮得刚刚熟，骨肉仍带点血，啱哂我呢种食材要鲜味嘅人。配上香蒜粒，在热辣辣的铁㶽里边炒边吃，又香又辣又滑，再饮啖冰冻竹䉀茅根，过足食鸡煲瘾呀