新南苑私房菜火鍋鷄煲 (華僑商業中心) (已搬遷) 新店位置

第一次嚟食辣鸡煲+海鲜打边炉！一上到黎，飘来阵阵鸡煲嘅香味，好鬼死香，个肚皮开始咕咕声叫！一坐低，伙计好好招呼咁俾咗两碟鸡脚！（原来要另外俾钱，唔知系咪可以唔要）等左一阵，鸡煲好快就上咗嚟加埋呢个油炸鬼超级好味!（鸡煲可以无限续食）食完鸡煲跟住就嚟咗一个超大嘅海鲜拼盘，有大大只嘅开边龙虾，龙虾肉大大旧，鲜甜好味，有新鲜嘅鱼片，有筷子咁长嘅圣子，有大大粒嘅带子，有只不知名既蚌，好鲜甜，仲有两碟新鲜嘅手切牛颈脊，食落好有牛味。一眼望去，都好丰富好多野食！（呢个海鲜拼盘系无得额外添加，须另外加钱添加的，但一个人的食量系完全足够饱到揽住个肚）另外仲有火锅配料同蔬菜类可以叫无限添食，款式都多种类，梗有一款啱你心水！差d唔记得讲呢度既饮品系任饮既，最后埋单，仲送多个小小甜既奶冻，食完个人无咁热，好舒服！