一品雞煲火鍋

营业中

休息中

本来平时系大排档食开鸡煲,　但大热天时对住个炉露天仲要无冷气，真系受不了。见呢间openrice上ｄ评语几好咁, 决定同几个爱鸡煲之人试下佢。 黎到９点几，仲要等位。已经好鬼肚饿，仲要闻到ｄ食物香味传出来，有得睇但未有得食既感觉真难受 等左30分钟，终于到我地。好彩个亚姐比定张ORDER纸我地拣定, 时间都过得快d。急不及待已经叫左个大辣鸡煲，食辣野系我至爱。自从知道食完鸡可以再加汤变火如锅汤底后，已经取代左麻辣同沙爹汤底既地位，因为实在太好味。呢到D冷气好够, 唔会食到大汗细汗一齐流~~~~~讲返D食物先: 大辣鸡煲：香味四溢，够晒辣，ｄ鸡几滑唔“鞋” 手切牛肉: 有牛肉味，网纹分布平均，必食 雪花肥牛: 雪花比例均匀，但我都系ｌｉｋｅ手切牛多D 双拼手打滑: 滑虾 + 墨鱼滑 正!!!! 因为本人爱硬硬地 + 弹牙, 呢个合我心水 竹庶水: 清清甜甜,味道刚好。 D汁捞埋个出前一丁一齐煮, 超级劲野味呀。喜出望外既系, 食完都无话好口渴, 跟之前食其他火锅比, 无话要劲饮野。食到12点左右, 饮饱食醉埋单走人。