神木日本料理 (已結業)

同朋友庆祝生日就当然要揾啲舒服又抵食嘅餐厅，上网揾到系观塘工厦入面有间做紧"任食日式火锅放题 "，见介绍都唔错，所以就锁定嚟食返餐兼聚一聚。店内里装修都好精致，好有日式居酒屋嘅风味，环境几大坐得舒服，而且仲有室外地方添(早知就带埋狗狗嚟陪食啦)。我地今次拣左 轻量级鸡煲 ，系用餐时间120分钟内就任食同任饮。任食方面就系以一回合咁计，即系任食完一回去下一回时就唔可以叫返上一回合嘅食物。饮品嘅种类都几多，连啤酒都有得提供呀！先黎第一回合 就系以小食同沙律菜为主，先嚟重份量嘅清新蟹子沙律，然后就由厨师安排嘅五串烧物同炸物。炸烧卖、炸饺子、七味炸鸡翼同埋五串烧物就有鸡皮、鸡肾、鸡软骨、蕃茄、京葱，全部都系即刻炸/烧，所以食起嚟热辣辣，而且味道都刚刚好，所以唔错。前菜之后就到第二回合，即系焦点所在 神木秘制鸡煲，份量比想像中足料，鸡肉好嫩滑，而且佢个酱汁味道刚好，食落特别惹味。最后就加汤去到第三回合，即系任食火锅，配料选择都有好多，我地点左肉类方面我地点左熊本豚肉、美国肥牛同埋饺子、芝士肠、菇同菜类(其实仲有啲云吞、水饺同牛柏业，不过就挂住食忘记左影相..哈哈)。火锅食材质素都唔错，入口好新鲜