名川苑雞煲火鍋 (已結業)

鸡煲黎讲，我觉得咩时间食都系咁有气氛，唔会系因为某一个节气而岩食多啲，反而呢一度嘅食物同环境就令到我觉得好有气氛 ．呢一度嘅食物选择多，多到我都唔知点拣。同朋友倾左劲耐，先选择好。鸡煲最紧要系啲鸡要滑，唔滑嘅话我觉得食落去都冇咩滋味。而呢一间就做到，因为我真系好中意佢啲鸡，再夹埋茶树菇个味道，我觉得好配好夹好好食。我地有叫麻辣猪耳同金钱肚。其实两个都好好食但自己就偏坦猪耳多啲，觉得猪耳好食啲。而且我都好中意果阵麻辣味，麻味一流，唔会话得辣冇麻果阵感觉。而鱼卜我觉得系最有趣嘅食物。因为要自己用签整爆左先放落去，呢一种食物又好食又好玩，超值得推介。自己都多食鸡煲嘅，呢一间我个人就觉得比较特出，值得推介一下。