人和月雞煲火鍋店 (已結業)

人和月鸡煲火锅店，顾名思义，有鸡煲有边炉，仲系120分钟任食添！抵食之余，味道都唔差！餐厅采取QR code落单，不过都有蔬菜、丸类、饮品、甜品等等系自助供应。食打边炉前，首先可以三拣一，韩式芝士鸡、老坛酸菜鱼或招牌麻辣鸡煲。未食已经闻到隔离台食紧麻辣鸡煲嘅香味，所以拣左小辣嘅麻辣鸡煲，味道辣中带甜，越煲越香越入味，唔够辣餐厅可以加辣，而且可以加入蟹柳、鱼蛋、午餐肉等等，更加索味好食！火锅汤底有6款，我就拣左胡椒猪肚汤，胡椒味香而不刚刚到位，唔会盖过海鲜同肉嘅鲜味。由于我食嘅系大满贯吃到饱套餐（$348/378/位），价钱视乎入座时间而订，比其他套餐多左份海鲜拼盘，有活鲍鱼同活海虾，新鲜度十足；美国牛肉大满贯就有优质牛肉拼盘，有部分可以追加，一个价钱几种享受确系感觉良好！