凱日宴會廳

营业中

休息中

朋友跟我在尖沙咀见面，可惜尖沙咀晚市不熟悉，结果，坐车去到之前一直想试嘅深水埗西九龙中心七楼。。。看地方的装修，应该系婚宴专门店，闲日冇乜客人西九夜晚亦都比较静。全场得四十台以上的空间得十几台人。优点缺点都有。优点是：鸡煲味道不俗，份量也可以，两人一台有半只，4人就一只。（唔好问我三个人会点，唔记得），我哋两个半健身教练都觉得好够食，由于客人偏少店员更偏少的关系，晚市厨房祇有一个厨一个执马。速度会好慢。这个问题各个地方都有，鬼叫香港人工贵咩，我习惯每15分钟入一张单就可以简单解决此问题。食材比想像中新鲜。汽水啤酒自己雪柜任攞。完全唔需要等候。二点五小时嘅点菜时间，足以同朋友好好畅谈酩酊大醉一番，讲真好过落酒吧逼逼夹。虽然人手不足，但系姐姐都好客气。其实互相理解就行，百几蚊，有装修，有空间，又安静，又任饮，又商场，交通方便，如果仲想要求食物快速上台，执枱，倒骨碟，𠮶百几蚊想买咁多好服务，就真系过分咗喇。有些人，可以觉得噉嘅服务速度，系缺点。但系追求性价比嘅我，会觉得，甘叫做「值」！相信我，在香港百几蚊，呢个价钱，呢个地方，呢间食肆，已经超额完成了。