影片
更多
2023-06-04
2535 浏览
朋友推介元朗任饮生啤好地方，「锋哥厨房」主打火锅任饮任食，橙色门面抢眼，设有室外座位。工业风装修，配搭彩色铁櫈，墙上霓虹灯牌，环境整洁，座位舒适。我哋五点入座，任饮任食两个钟 ，$288/1位，再加一，食足三个部份好抵食。⓵ 麻辣鸡煲首先食鸡煲，系无限任食，鸡件靓嘅部位都有齐：鸡胸、鸡髀、鸡翼，唔会净系俾啲下栏位。配料有芫荽、唐芹、辣椒、洋葱、莲藕，店员教我哋要炒四分钟先食得，热辣辣，味道比预期出色。我哋叫咗BB辣，麻辣味香浓，唔会辣到食唔到，鸡肉入味，肉质又滑又弹，太惹味所以都食咗好多。⓶ 椰子鸡煲第二部份可选择椰子鸡煲或者麻辣烤鱼，都系一次性。我哋选择咗食椰子鸡煲，两位会有半只鸡另上，椰子水加干椰子片、红枣同杞子，汤滚就落鸡熬一熬，头啖汤超清甜，鸡肉超嫩滑，蘸沙姜青柠酱油食一流，一路煲住一路食，去到尾啲鸡件都仲好滑。⓷ 火锅食到咁上下就可以进入第三部份，转汤底打边炉，有五款汤底可以选择：番茄薯仔、皮蛋芫荽、黑蒜猪骨、飘香沙嗲、四川麻辣。我哋就保留椰子鸡煲加汤继续打边炉，椰子汤底渌海鲜真系无得顶，味道更鲜甜。除咗肉类，所有火锅配料都系自助形式。► 海鲜海鲜款式多，全部都系任食，部分仲
麻辣鸡煲
55 浏览
0 赞好
0 留言
⓵ 麻辣鸡煲
首先食鸡煲，系无限任食，鸡件靓嘅部位都有齐：鸡胸、鸡髀、鸡翼，唔会净系俾啲下栏位。配料有芫荽、唐芹、辣椒、洋葱、莲藕，店员教我哋要炒四分钟先食得，热辣辣，味道比预期出色。我哋叫咗BB辣，麻辣味香浓，唔会辣到食唔到，鸡肉入味，肉质又滑又弹，太惹味所以都食咗好多。
椰子鸡煲
46 浏览
0 赞好
0 留言
⓶ 椰子鸡煲第二部份可选择椰子鸡煲或者麻辣烤鱼，都系一次性。我哋选择咗食椰子鸡煲，两位会有半只鸡另上，椰子水加干椰子片、红枣同杞子，汤滚就落鸡熬一熬，头啖汤超清甜，鸡肉超嫩滑，蘸沙姜青柠酱油食一流，一路煲住一路食，去到尾啲鸡件都仲好滑。
⓷ 火锅食到咁上下就可以进入第三部份，转汤底打边炉，有五款汤底可以选择：番茄薯仔、皮蛋芫荽、黑蒜猪骨、飘香沙嗲、四川麻辣。我哋就保留椰子鸡煲加汤继续打边炉，椰子汤底渌海鲜真系无得顶，味道更鲜甜。除咗肉类，所有火锅配料都系自助形式。
蛏子皇、肉蟹、鲍鱼、贵妃蚌
64 浏览
0 赞好
0 留言
► 海鲜
海鲜款式多，全部都系任食，部分仲要系偏贵价高质素𠮶啲，净系贵妃蚌、鲍鱼同蛏子皇都系无间断供应，呢点都已经好吸引，系我主攻嘅区域。
⊛蛏子皇~ 够大只，处理得好干净，鲜甜，厚肉弹牙，我食咗好多只，街市买蛏子皇都唔平，必食推介。
⊛鲍鱼~好新鲜大只，肉质弹牙。
⊛贵妃蚌~自己唔钟意渌太耐，一开口就食，超鲜甜，仲有泡咸咸嘅海水味，食咗好多只。
⊛肉蟹~ 爽滑多肉，最钟意食蟹钳，已敲碎处理，食得好方便。
⊛蚬~一篮篮装住，有沙白、白蚬，鲜甜。
⊛鱼~有鲩鱼、鱼云、九肚鱼嫩滑。
⊛虾~基围虾，新鲜都唔细只。
⊛东风螺~肉质爽脆，点蒜蓉辣椒酱油食最正。
安格斯牛颈脊、无激素黑毛猪肉片
48 浏览
1 赞好
0 留言
► 肉类
两款肉类都有质素，要向店员落order，即叫即到，上枱快，无限追加。
⊛安格斯牛颈脊~ 比较厚切，适量油花分布均匀，唔好渌太耐，爽滑有口感，牛味浓郁，牛颈脊都可以任食，encore之选。
⊛无激素黑毛猪肉片~任食难得有无激素猪肉片，肥瘦适中，肉质柔软唔榎。
► 火锅配料、酱料
⊛炸物~响铃、炸鱼皮、生根，打边炉点可以唔食呢三宝，脆口又索汤。
⊛配料~枝竹、柏叶、水鱿，芋丝、多款丸类。
⊛蔬菜~唐生菜、娃娃菜、西洋菜、皇帝菜、金菇、冬菇、莴笋，鲜淮山。
⊛面~韩国即食面、日式乌冬。
⊛酱料~ 生蒜、炸蒜、辣椒、葱⋯⋯供客人自助混酱。
► 生啤、饮品
可能真系最多生啤任饮嘅餐厅，室外设有一个自助生啤区，就咁望都有九个生啤头：Hoegaarden、1664、Suntory、Murphys⋯⋯全部任饮，啱晒钟意豪饮嘅朋友。餐厅仲细心雪冻唔同牌子嘅啤酒杯备用，雪柜仲有樽装啤酒，放满唔同汽水同茶类。
►甜品
雪糕、甜筒全部任食，仲有Movenpick。
呢个价位嘅任饮任食，食物质素高，服务有礼貌，补给同清碟快，性价比高，食得好饱大满足。
#锋哥厨房地址：元朗马田路80号御庭居地下5号舖
张贴
