陸陸雞煲火鍋 (已結業)

有好一段时间冇食鸡煲喇~难得可以约齐一班朋友紧系去食餐好嫁喇~大家开开心心谂住walk in入去，估唔到都几多人，好彩仲有位坐，见仲有上层应该几大～坐个位对正墙上壁画，睇真啲原来系人手画上去呢@@而且原用番佢地个标志，都几有特色～黎到会有少少生果当餐前小食，望一望张点餐纸，点左几样大家都必食既菜～服务黎讲，店员都几主动，不定时会睇下我地食成点，搞下鸡煲咁～鸡煲叫左半只，辣度系微辣，好香既麻辣鸡汁，食落少少麻麻地，唔算太辣接受到，鸡肉分布尚算均匀，仍会骨比肉多，鸡肉香口又系滑，而且混合左啲芫茜香料味，令鸡煲更惹味！不过鸡汁好容易痴底，食唔够五分钟就要搞一搞，否则个底会窿晒:s炸响铃，食落啲水吸得未够多，而且皮太厚好难咬开，未够爽淋，属中规中矩花片枝，煮熟左呈现白色，咬落极之弹牙，好有咬口，而且好够鱿鱼鲜味，份量好多，价钱唔贵，系推介一食之选！手切肥牛，脂肪分布好均匀，肥牛薄切所以非常快熟，食落牛味好重，肉质好软熟，份量都好够食～当然系鸡煲必食之选喇！芒果冰，系新鲜芒果制，芒果化成冰溶，饮落过瘾又解渴，而且芒果汁好香甜，又唔会太冻或底底结冰，值得试下～最后送上雪米糍甜品，绿茶味入面有红豆，