二鍋頭 (嘉芙中心)

营业中

休息中

鸡煲同打边炉，呢个组合相信大家一定唔会陌生，一坐低店员就好快啲同我哋介绍有三款套餐，第一款系正常打边炉加鸡煲，第二款系海鲜套餐，第三款系美国SRF牛。餐厅内外食物选择因为我哋主要都系鸡煲控，所以就拣咗最普通𠮶只打边炉套餐。鸡煲加火锅 $198鸡煲方面，如图片所见，份量好多，都好入味，唔怕唔够饱！肉质方面正常，不过我其实都系洋葱控，如果洋葱个量可以多少少，咁就完美喇。至于打边炉我就拣咗沙嗲汤底，由头开始到食完，一次汤都冇加过，可见店家比嘅份量真系好多，沙嗲味再浓啲就更加好食！自助区方面都好多选择，饮品类，菇类，菜类，面，同炸鱼皮都系任夹人。其他肉同少量海鲜都系点菜纸拣。点菜纸嘅虾好新鲜，唔系好似出面其他舖头嘅雪藏虾，所以次次落单都有拣。羊就带膻味，未必个个接受到。