爺爺雞煲皇 (美景街) (已結業)

男朋友最爱打边炉，今晚佢揸车黎接我收工，我地去左土瓜湾食鸡煲火锅啦！我地两个都几钟意食鸡煲火锅架，先食鸡煲后打边炉，都好过瘾。餐厅环境都算好大，而且干净整齐唔会好污糟。男朋友先叫左一个鸡煲，大大煲鸡件份量非常多，热辣辣超过瘾架！鸡肉加入大量香料炒香，鸡肉嫩滑够鲜甜，入口无雪味，食到最后都唔会好油腻。鸡肉爽嫩唔会干身！食完鸡煲再打边炉，男朋友必点肥牛，牛肉香嫩油脂平均，轻轻一滚就食得，牛味都算突出！我地仲叫左炸鱼皮、响铃、豆腐等等，全部都好食！