倫哥尊尚火鍋私房菜 (已結業)

早有听闻过伦哥私房菜嘅火锅好正，今日终于约到朋友黎试一试，我地去咗佐敦分店，一开头见地址系二楼但无大厦名，本来惊好难揾，但各位可以放心，路痴嘅我都望到佢地大大个招牌，其实唔算难。一埋位，店员就俾咗小食，同花菇鲍鱼招呼我地，花菇几有惊喜，花纹几靓，炆得淋又入味。主角鸡煲黎到，店员提醒因为鸡仲系生嘅，每隔两分钟要炒一炒，共4次以防痴底，过程大约8分钟，麻烦少少但保证食到新鲜啱啱煮好嘅鸡件，鸡件嫩滑，腌得入味好好食，仲要无限添加，钟意叫鸡嘅朋友黎试下喇。我地系$288嘅套餐，主要系多咗牛颈脊，海鲜，手打墨鱼滑，牛颈脊脂肪分布平均，有咬口又非常香口，海鲜亦非常新鲜，墨鱼滑亦唔会粉，好真材实料，数款海鲜同墨鱼滑系任点任食。最后仲上咗甜品，椰汁雪燕滋润下秋天带黎嘅干燥，店员服务周到，态度又好，值得一赞。