二鍋頭 (好運中心)

营业中

休息中

呢排好耐无食好野，放工揾左个朋友过黎沙田食呢间二锅头。呢间二锅头新开以来都一直好想食，因为食过尖沙咀分店觉得唔错，反而近屋就未有机会食到。可能都仲算新开既关系，环境真系好好，坐得舒服又无油烟味，食物酱料都放得好整齐，几抵赞。食物方面真系好挑战食量，鸡煲，牛尾煲，猪手煲同酸菜鱼煲都可以任食，真系抵到唔识形容。叫左个小辣鸡煲试下味先，d鸡啖啖肉又入味，小辣都唔算好辣，最正系辣得黎仲有阵阵香味，食完忍唔住叫多个中辣食，再惹味好正。食完鸡煲之后就开始打边炉，叫左越式香浓牛肉锅，汤底个味都几出，食果阵唔洗点再加豉油都够味。火锅配料都有好用种类可以拣，安格斯牛小排安格斯牛板腱睇样都唔错，食落更加牛味丰富，海鲜都好正，特别觉得蚬同脆肉脘好味，另外水饺鱼皮饺都值得试。呢个价钱呢个质素，唔怪得之喺呢个市道仲可以full house。