陸陸雞煲火鍋 (已結業)

旺角白布街真系越开越多野食，其实都好想食奶奶鸡既但好多人，就过左隔离食呢个鸡煲。一入去已经好鬼香！2个人叫左半只小辣，果刻我心谂：唔知够唔够食呢？等左一阵终于食得～鸡冇雪味，基本上煲左都好一段时间所以都算入味，痴埋啲汁食都几好味，食食下发觉半只原来都几多，因为我地仲嗌左好多其他小食打边炉。 基本上，店员们好醒水咁间唔时就会过黎帮我地搞搞个煲底以免痴底，成功K左啲鸡就加汤打边炉喇～先来必点肥牛！出乎意料地好稔好好味～不过一碟2个人食好似有啲多，毕竟都已经食左半只鸡。脆鱼鲩真系唔可以滚太耐，因为我唔小心放耐左就变得好硬，我相信如果早点拎起食会好好味。手打丸真心弹牙！而且一条咁上碟好鬼靓～墨汁丸赞㖞！最惊喜系个自家制响铃！一上碟我就知一定好食，果然冇错，佢唔似一般出面果种卷得好实，中间保留好多空间去吸汤，同埋个味我讲唔出有咩唔同，但就系好好味～相对地我好期待既咸牛肉芝士酿油条就真系咸左少少，店员叫我地浸返20至30秒先好食，果然个油条稔少少先好食，因为太硬会戒亲个口哈哈。食完成身都系鸡煲味，要返屋企洗衫。