東哥點心籠仔蒸飯專門店 (已結業)

喺太子附近行街行到好肚饿，就想揾间多嘢食食得饱嘅放题，见到呢间系点心再加鸡煲再加打边炉，肯定够饱就入去食啦。环境几好够宽阔，坐得舒服，店员招呼周到。首先一开始就系食点心先，虽然点心嘅选择唔算好多，但系全部都好吸引，所以几乎每一款都嗌咗，而且全部都有水准，感觉系即叫即蒸，出乎意料之外嘅系竟然有灌汤饺！都好正！蟹子烧卖好好食，弹牙爽口，可以encore。除咗点心之外，仲有鸡煲。鸡件好滑，好入味，味道浓得黎唔会愈食愈咸。之后就到打边炉，有几款牛肉可以拣，呢个价钱来讲嘅话质素已经好OK。仲有鲜鱼，例如脆肉鲩、脆骨腩。其他配料都正正常常，已经饱到食唔到太多啦。 总括来讲虽然系放题，但系点心有surprise到我，价钱唔贵想食嘅话真系值得试试。