阿來客棧雞煲火鍋 (已結業)

最近又冻返，又系时候去食鸡煲打边炉，今日同朋友去左呢间阿来客栈，听朋友讲佢地个鸡煲超好食。我地叫左驰名重庆辣鸡煲一只中辣，只鸡好大份，而且一上枱已经可以食，加埋个酱汁好惹味，呢个鸡煲可以话系系我食过既鸡煲排行榜top3之内。食完鸡煲之后打边炉，我地叫左半份阿来牛肉卷，半份猪颈肉，半份豆苗，半份墨鱼滑同半份鲜虾。呢到最贴心就系可以半份半份咁嗌，两个人都可以叫多啲唔同既野试下，唔怕食唔哂。阿来牛肉卷入边包住啲芫荽，对于芫荽控既我嚟讲，超级惊喜，好好食。豆苗系日本豆苗，好甜好香。墨鱼滑同鲜虾都好新鲜，呢餐食得超级饱，而且好味又好满足。