汀汀烤活魚 (已結業)

汀汀烤活鱼既烤鱼好食好多人都知，亦都食过好几次，今次黎到唔食烤鱼改食鸡煲，发现佢哋既鸡煲质素都好好，真系唔错，平日晚饭时段都好旺场，想食订定位就稳阵啲。招牌鸡煲: 半只鸡份量2个人食啱啱好，麻辣、香辣同蒜香3种口味选择，辣度亦都可以自选。今次食小辣唔算太辣，够惹味，下次可以挑战中辣。食完鸡煲就可以打边炉，人少少净系叫左2个火锅配料，极品黑豚肉同蟹籽虾丸，黑豚肉唔驶渌好耐，太耐会鞋，啱啱熟就食得，爽滑。蟹籽虾丸好出色，不但止弹牙，咬落仲有粒粒蟹籽，好食!另外再叫多个串烧川味韭菜，韭菜上舖住调味孜然粉，好香。真系想再食多几款串烧，但实在太饱了。2个人埋单都系4百几，都几抵食。