一品雞煲火鍋

营业中

休息中

鸡煲近年风气极盛，差唔多周街都有得食鸡煲，但如果比我，我就只会拣去食一品。记得第一次去食一品系去红磡。红磡分店每次都排劲长龙，又无得book位，所以都有一排无食鸡煲，直至朋友介绍土瓜湾开左一品，话唔使等位，坐得阔落，当然要即刻去啦。食鸡煲当然首先食左只鸡先，我最中意系一品既秘制酱汁，少少辣但又有少少甜，令人禁不住系咁食。鸡无偷工减料得番啲颈呀头呀胸之类（我真系食过有间系咁，唔知以为食紧鸡骨煲。）仲有入面既紫洋葱都好入味，一啖鸡一啖洋葱，好快就KO哂！食完鸡当然就加汤打边炉，我通常会加多碗辣汁（即系鸡煲汁），灼完就点辣汁食，真系好正架！