金啫の鍋 (已結業)

好耐冇食鸡煲，今晚就试新野，去左呢间金啫之锅，餐厅位于誉发广场，冇特别留意，直至见到店员制服同餐纸上面写住，我先知原来佢地跟伦哥同集团。面积唔算好大，有一般梳化位同大枱，新开张就唔算好多人，但迟D最好都系订枱比较稳阵新张优惠价系188蚊位，食完鸡煲，可以加汤底打边炉，配料任食，饮料好似汽水、个别啤酒都系任饮，价钱唔贵新开仲有游戏玩，「金啫摸蚬神之手」，每2-4位可以派一个代表参加；用双手捞蚬，捞几多就属于客人。而且有个排行榜，店员会数番捞左几多只，头三名会有礼品。(可惜我地三甲不入，哈哈)酱料店员快帮我地安排左鸡煲，第一次来，点左小辣，如果食得辣嘅，我建议中辣以上。鸡煲上枱未可以即食，店员话要每两分钟炒一次，炒四次就可以食得其实都可以放心，因为佢地好好礼貌，时不时都会过来帮手。鸡煲炒起之后好吃香好惹味，里面有好多芫茜。鸡件唔算好好肉地，但就够哂入味，小辣唔会好辣，仲有少少孜然香。食到咁上下，店员帮我地加埋是日海鲜，我地拣左蛏子，听讲系新张期送(?)有几款可以拣嘅，仲有鲍鱼、蟹之类。朋友负责玩捞蚬游戏，足足捞左60几只，都好嘅，又有得玩，又有得食，够大方食配料之前，店员仲帮我地炒埋D牛肉