極之雞煲烤魚涮涮鍋 (已結業)

餐厅主打鸡煲+火锅+串烧，提供三款套餐，今次拣咗牛板腱（$248，另加一，120分钟，7：00前离座）。鸡煲可任食，或另加钱转烤鱼（无任食，一次性）。鸡煲要咗小辣，味道不错，出去自助火锅区拎埋啲猪皮、牛柏叶、水鱿，捞埋落去一齐煮两煮，唔错。食完鸡煲，转汤底打边炉（滋补药膳汤锅）。牛肉、猪肉、脆肉鲩骨腩、脆肉鲩鱼片、串烧，自助 scan QR code 落单，其他一般火锅料出去自助区拎。牛板腱不过不失，系有少少肥；猪腩片一般可以不吃；脆肉鲩尚算爽脆可以一试；其他自助火锅料正常。串烧都有不少种类，鸡皮串、鸡肾串、鸡肉串、牛肉串、猪腩片串、虾串、肠仔串，鸡皮/鸡肾/虾比较OK（每次落单最多6串）。熟食区就可以不用理会，都系啲十分普通嘅前菜小食，好似花生、青瓜、萝卜......。总括来说，虽然食物质素真系比较一般，但又鸡煲又火锅又串烧，都未尝可以一试。