八妹雞煲

营业中

休息中

每次入 #大埔，#小秘书 总系钟意去吓啲商场仔，四围行吓，睇吓衫咁🤩 夜晚我哋例牌会去 #大埔墟街市 楼上个 #熟食中心 开餐... 不过最近去过一两次，#小炒 似乎冇以前咁有风味😙 今次一于行远啲，行到去 #大埔旧墟 食 #鸡煲🤤八妹鸡煲 我哋都系第一次帮衬，见网上食评都唔错，就试吓佢啦！好彩我哋到达嘅时间比较早，服务员安排咗张圆枱比我哋，嚟得帮衬，梗系要个鸡煲啦。以往食鸡煲形式上都要自己落手落脚翻炒几次先有得食，但系呢度嘅鸡煲，上枱嘅时候已经做好，马上就食得✌🏻我哋叫嘅系小辣鸡煲，酱汁比较咸，而且愈食愈辣🔥本来只系想要半只鸡嘅我哋，最终比阿姐嘅说服要咗一只鸡😅 眼阔肚窄嘅我哋，竟然仲加咗几个火锅料... 虽然系饱，但系将啲 #响铃 浸汤又真系几好味🤤 而我就觉得佢哋啲 #墨汁墨鱼丸 都几特别，咬落去有阵鲜墨鱼味.... 不过汤底太浓味，对我来讲有啲heavy，加上酱汁嘅油腻，最终搞到我返屋企要食胃药先搞得掂😖真系冇用喇👉🏻👈🏻