喜喜雞煲

营业中

休息中

平时去深井都系食烧鹅多，食到有点厌加上又玩得夜，就揾下有无开得晚夜少少既食肆咁啱比我地发现呢间鸡煲店 第一次光顾，食店唔算大但胜在冷气风扇多，唔惊边食边出汗而且店员都好友善，好照顾我地由于太晚既关系，我地都唔想食太多点左半只鸡煲(小辣)、这不是饺子、水鱿鱼和薯粉 鸡煲附上一大堆芫茜，而且味道够浓，后悔叫左小辣，因为小辣真系无乜辣味但够香同有少少麻味。鸡肉都大件，而且嫩口，唔会好鞋。煲内既洋葱同蒜头都入晒味 水鱿鱼份量都算多，而且好干净好爽口。店员仲提我地唔好渌太耐。 薯粉入锅后好快就熟，吸晒鸡煲既味，特别好味~ 特别要赞这不是饺子，黑松露味好突出，加上香菇碎，令人一试爱上我地仲encorn多碟添~ 食完鸡煲我地仲点左碟酥炸香茜蚝仔细细粒，脆卜卜，一啖一个，送酒一流。 整体食物质素同店员态度都唔错只系价钱略嫌贵左少少。