富盈火鍋雞煲專門店 (已結業)

呢间餐厅可以一次过满足三个愿望，啱哂我呢啲贪心鬼。4个套餐不同款式不同收费，拣咗 #2 美国极上牛颈脊放题（$258）。先嚟个鸡煲，要咗少辣，好快上枱，味道中规中矩，因为怕太饱食唔到其他嘢，所以无再添加。之后转火锅 + 韩烧，两个炉，一左一右同时进行。火锅及韩烧食物有啲要填纸仔，有啲就出去自助拎，最吸引系有不少海觧食材提供。另外仲有少量前菜、熟食、饮品、甜品。总括嚟讲，食物款式颇多，质素正常，对得住收费价钱，可以一试。