醉翁亭火鍋館 (已結業)

今晚去左呢间新开的火锅店打边炉，7点前去到唔驶等位，职员比左张卡位枱我地2个人，可以坐得好松动。新装修所以样样野都觉得新簇簇，好干净企理。每位都有一份海鲜拼盘，一份刺身拼盘，一份极级牛颈脊 (2人份)，1只至尊水饺皇，1只蚝皇扣鲍鱼，而任食配料选择唔算好多，但系部份都系中价以上的食材。饮品系自助式，分左任饮饮品专柜同付款饮品专柜，任饮种类都算好多，有道地冬瓜茶、菊花茶、翡翠柠檬、百事可乐、七喜，仲有几款纸包饮品等等...可惜可口可乐是要收费的，入座时无提供热茶比我地，要自己叫，职员姐姐问我地想饮咩茶，有寿眉、普洱、铁观音、香片比我地拣。外面放有几款小食及凉菜，除左蚝皇扣鲍鱼之外，全部都系自助任食。首先送上海鲜拼盘及刺身拼盘，有海虾、蛏子、青口、鱿鱼、膳片，刺身都有4款，仲要厚切，不过三文鱼同北寄贝无咩味，反而希灵鱼就几好食﹗锅底拣左重庆鸡锅，2人份量都几多，鸡肉好入味，所以觉得有啲偏咸，反而唔太够辣。之后叫职员帮忙加汤，开始打边炉啦﹗送𠮶碟牛颈脊 (2人份)好大份，4人食就差唔多，任食配料每次黎嘅份量都好多，平时啲火锅店就算写要6件，都只会比得好少，可能只黎一半份量，但系呢度比足有余。