金鶴拉麵 (閩街)

营业中

休息中

服务好贴心、好细心，一坐低问我地想饮热茶定系冻茶！女侍应见我整亲只脚，仲安排一个比较舒适嘅位俾我地。好钟意呢度嘅日式装修，特别系行去厕所呢个位，铺晒石春，设计好有心思。餐前小食我哋叫咗明太子鸡翼同埋日式煎饺子！主菜就梗系叫呢度嘅招牌鸡白汤拉面同埋活烧鳗鱼饭！师傅就系我哋面前即叫即烧鳗鱼⋯先来日式煎饺子：新鲜热辣送上枱，一边煎得香脆又唔干明太子鸡翼：鸡翼炸得好香口，里面塞满大少少辣嘅明太子，好惹味第一个嚟嘅主菜系鸡白汤拉面：造型已经好得，有师傅喺面前炸嘅牛蒡、半只溏心蛋、两片慢煮赤鸡肉、两片黑豚肉，仲有葱丝同埋木耳丝识食拉面，第一时间梗系饮一啖汤先啦鸡汤浓厚，但系一啲都唔油腻，饮完唔会口干，亦都冇猪骨汤咁滞咁饱，试过呢度鸡白汤拉面，我从此冇咁想食猪骨汤。两块鸡肉你唔好睇佢个样白烚鸡胸咁，咬落又嫩又滑，比起两块（畀啲葱隐藏左嘅）豚肉更加出色两块豚肉烤过的，几香又唔肥腻活烧蒲烧鳗鱼饭：黎到真系哗一声，鳗鱼成块扒咁厚，个皮烤到脆脆的，连埋酱汁真系一流，好食旁边有个鳗鱼清汤、有一件鱼肝响里面；𠮶个小碟系芝麻芦笋。