金鶴拉麵 (荷李活道) (已結業)

早喺几年前已经试过佐敦嘅分店，当时对呢间拉面店嘅印象非常好，今日就去咗中环店。而家出咗套餐，可以选1人、2人或4人餐，包拉面、小食同埋汽水，仲有串烧一人餐。今次拣左金鹤鸡白汤拉面 + 唐扬炸鸡 + 汽水 （$128）唐扬炸鸡 鸡肉外脆内嫩多汁，上菜时热辣辣，应该系即炸，点完都要等10-15分钟先有得食。金鹤鸡白汤拉面汤底系用赤鸡熬制6小时而成，呈奶白色，质感少少稠身，口感浓而不腻，口感顺滑，好似饮紧新鲜嘅鸡忌廉汤咁，饮后不会有口干或黏口的感觉，好钟意呢个汤底，食完碗面之后真系饮晒全碗汤。面质略带粗身，份量都算多，不过面煮得过淋。另外配有糖心蛋、2大件慢煮鸡胸肉、1片薄薄的慢煮叉烧和炸牛蒡做点缀。鸡胸肉同叉烧非常滑和软嫩，吾鞋口；牛蒡炸得非常脆和呈金黄色，口感香脆，配菜都整得唔马虎。