日暮家 麵匠 (已結業)

去既时间系星期六大约2点，过左食饭时间但仍然要等位。舖头细细，有分吧枱区同普通座位，座位有点逼夹，坐得唔算舒服。但好欣赏餐厅提供压蒜器比客人，可以压新鲜蒜泥加入拉面。《$98 日和拉面》浓厚酱油鸡白汤，奶白色汤底非常浓郁，香气迫人，唔算死咸但食完有点渴喉。配菜有慢煮鸡肉叉烧两块，相当滑嫩。面选了幼面，咬落弹牙亦好挂汤。《$158 蒲式柠檬蚬贝拉面》柠檬配蚬肉，食落相当清新。未落蒜前食得出蚬肉鲜味，其后加入左新鲜蒜蓉，直接让味道提升左一个层次。配菜是豚肉叉烧，还有大量蚬肉。蚬肉算俾得大方，质素都不错，唔系又梅又细粒𠮶d，慢煮叉烧系正常水平，成碗拉面都非常鲜味。《+$1 糖心蛋》因为餐厅一周年，所以提供$1糖心蛋嘅优惠。日本蛋本身蛋味浓，做成糖心蛋，再系蛋面印上可爱既掌印，值得一叫。《+45 天妇罗无骨鸡翼-明太子》鸡翼去骨，再攞去炸，配上明太子酱，好香脆又唔会成口油，有惊喜。《+35 羽根烧饺子》35蚊3只饺子，性价比相对地低。日式饺子，连住已经煎脆的皮一起上碟，普普通通。《日暮家黑豆茶》自家制黑豆茶，对比汽水和酒是比较健康的选择，茶香味唔浓，但饮到最后会有甜甜地。