元朗新記 (吳松街)

营业中

休息中

细细个话食粥个个都会话食沙田鸡粥， 今时今日食粥唔一定要去沙田嘅，其实四围都有，名头就系元朗好出名嘅新记鸡粥， 除咗鸡粥仲有佢嘅红烧乳鸽都系一绝。除咗佢嘅驰名鸡粥 ，其实佢嘅鸡都好出名，所以我哋三个人叫咗个鸡粥，烧味拼盘 ，再叫咗条鱼， 仲有佢嘅乳鸽，三个食到饱到上心口。驰名鸡粥又真系好绵好滑，又唔会感觉好多味精，鸡嘅份量都足，令到个粥都有鸡味， 只不过过足嘅份量细咗少少。佢嘅烧乳鸽都炸得好好食，肉质唔会太干， 仲系好滑身，又唔会炸㶶咗 ，皮啱啱好有啲脆身，我哋三个人食其实应该要叫两只。叫咗条蒸仓鱼，充足分量嘅豆豉同葱， 火后就当然唔同屋企自己蒸，比较有镬气啦，唔会太细条，𩠌饭一流。烧味拼盘有叉烧，鸡，熏蹄同埋海蜇。 佢嘅鸡做得招牌，佢嘅鸡梗系好味啦，又滑又香。叉烧虽然睇落比较干身，但食落又唔会太干几好入口。熏蹄做得唔错，唔会好似喺街度食𠮶啲干支支。海蜇个汁都得好好。呢个拼盘配啤酒简直一流。