雞翼山 (T.O.P This is Our Place)

营业中

休息中

讲咗好耐要食鸡翼山，今日终于黎到旺角嘅鸡翼山买外卖番屋企食。餐厅装饰得好梦幻，好似充满住粉红泡泡，主要做外卖，亦都设有几张木枱木椅俾客人堂食。  今次点咗12件鸡翼餐，可以拣3款口味嘅鸡翼，包一罐饮品，餐厅会用一个靓靓环保袋帮你装起。  我地点咗文青玫瑰、浓口樱花虾虾酱、宫崎南蛮他他味。鸡翼煎得好脆，攞上手已经热辣辣又香喷喷。文青玫瑰味焦焦甜甜地，带有少少花香，鸡肉非常嫩滑，好juicy多汁。浓口樱花虾虾酱就比较重口味，虾味好浓郁，十分惹味。宫崎南蛮他他味系额外有一盒他他酱，份量好多，每一啖都可以沾上满满嘅他他酱，劲邪恶>< 餐厅仲有提供其他一人餐二人餐小食等等，一个人食又得，开party一班朋友又啱，唔怪之得咁受市民欢迎。