Wing It! (已結業)

鸡翼控朋友话铜锣湾开左间叫wing it 的鸡翼专门店，仲有好多口味选择。结果lunch time我地就去左呢个鸡翼宴！小店只有十多个吧枱座位，但尚算宽阔，坐得舒服。小店主要以小食为主，除左鸡翼，仲有薯条，炸芝士和洋葱圈。鸡翼有原味和脆炸选择，可选 4 只或8 只，店员仲话可以双拼，一次过试晒两款！两款鸡翼都好吸引，原味外皮煎至微脆，一点也不油腻。而脆炸就沾上粉浆再炸，咬落脆卜卜更有口感。其中一份我就加左黑松露酱，估唔到店舖咁大方，$10份量咁多，奉上时香味浓郁。卖点嘅酱汁选择超多，多达15款酱汁和3款调味粉，个人比较喜欢蜜糖是拉差，味道又甜又辣，好特别！另外蒜香蜜味都好正。日本控要试日式烧烤！其他如芥末蛋黄酱、蒜香蛋黄酱、蜜糖芥末酱都好吸引！如果好似我咁贪心，不防堂食，每只鸡翼都点不同酱！薯条份量十足，粗身薯条薯肉满满，又可以无限蘸酱，正！炸芝士条 Mozzarella Sticks 即叫即炸，外皮酥脆，咬开爆哂芝士，拉丝拉不断，系鸡翼外的必食推荐！一直以为食鸡翼晤会够饱的我，食完投降，因为薯条份量又多，鸡翼又多肉，最后汽水都饮唔落。