影片
更多
2022-11-01
100 浏览
星期日同屋企人去咗观塘行街饮茶，既然出开街就废事要呀妈赶返去煮。我哋喺裕民坊搭车，就顺便喺度买埋晚餐先返屋企🥡，最终帮衬咗「鸡翼山」。我妈表示好兴奋🤣，佢话每次经过都好想试，但又惊唔识嗌，哈哈。鸡翼山当然系主打鸡翼，总共有成十几种口味，另外仲提供多款小食。食物即叫即整，卖相吸引，而且包装精美，我特别钟意佢个环保袋💕。我哋嗌咗一个12件鸡翼餐($128)同一人前套餐，份量其实多到三个人都食唔晒。鸡翼可转鸡锤🍗，两者都系加大码，我谂有成7/8cm长，而且火喉控制得啱啱好，鸡肉熟透且保持嫩滑。泰式冬阴酸辣鸡翼，🇹🇭几款之中我最钟意冬荫功口味，味道酸酸辣辣，好醒神开胃🌶。辣度迁就咗香港人嘅程度，重香不重辣，老小咸宜。港式咸柠七鸡翼，🍋青柠口味清新，柠香扑鼻，甜度来自七喜，同时又不乏咸嘅原素。港式避风塘蒜香鸡翼，🧄避风塘蒜香粒粒酥脆，但由于就咁洒上面头，所以鸡翼未算太入味。不顾仪态一人餐B($68)，套餐好抵食🍱，肉容丰富，包括温泉蛋洋葱鸡翼丼、甜芥辣鸡软骨同埋唐扬虾。丼饭劲大碗🍚，有温泉蛋汁以及煮到淋晒嘅洋葱拌饭。鸡翼有三大只，望落似白烚，但其实都几够味，鸡皮又爽。两款炸物都唔错，🍤唐扬炸虾选
星期日同屋企人去咗观塘行街饮茶，既然出开街就废事要呀妈赶返去煮。我哋喺裕民坊搭车，就顺便喺度买埋晚餐先返屋企🥡，最终帮衬咗「鸡翼山」。
我妈表示好兴奋🤣，佢话每次经过都好想试，但又惊唔识嗌，哈哈。鸡翼山当然系主打鸡翼，总共有成十几种口味，另外仲提供多款小食。
食物即叫即整，卖相吸引，而且包装精美，我特别钟意佢个环保袋💕。我哋嗌咗一个12件鸡翼餐($128)同一人前套餐，份量其实多到三个人都食唔晒。鸡翼可转鸡锤🍗，两者都系加大码，我谂有成7/8cm长，而且火喉控制得啱啱好，鸡肉熟透且保持嫩滑。
泰式冬阴酸辣鸡翼
24 浏览
0 赞好
0 留言
港式咸柠七鸡翼
12 浏览
0 赞好
0 留言
港式避风塘蒜香鸡翼，🧄避风塘蒜香粒粒酥脆，但由于就咁洒上面头，所以鸡翼未算太入味。
港式避风塘蒜香鸡翼
$68
6 浏览
0 赞好
0 留言
两款炸物都唔错，🍤唐扬炸虾选用日本BB海老，轻轻蘸上咸蛋黄酱拎去酥炸，原只连壳都可以食埋。🦴鸡软骨就正常水平，脆卜卜嘅，但就细粒咗啲。
总括嚟讲，呢个鸡翼专家有令人不顾仪态嘅威力🙈，佢嘅出品无令人失望。🐔鸡翼单价大约$10只，物有所值，我而家已经好期待试埋佢其他口味👍。最后，小店好用心将香港元素融入其中，就好似观塘店嘅背景中呈现咗狮子山🇭🇰。
张贴
