影片
更多
2019-03-23
72 浏览
男朋友系一个超钟意食鸡翼嘅人，平时谂唔到食咩嘅时候就会提议kfc，但成日食佢唔厌我都厌啦，今次带佢试一间专食鸡翼嘅舖头surprise下佢😛呢到好近旺角地铁站，B出口一出就系啦。餐厅无櫈椅，静系有个俾人企系到食嘅位，同埋橱窗个木框都可以坐下总共有九只味，咁我地谂住当正餐咁食，所以都谂住叫成十几只，又顺便试下唔同味文青风玫瑰本来无谂住叫呢款嘅，感觉鸡翼系应该配番啲浓味惹味嘅酱汁，文青同玫瑰呢两样听落去好似好淡味咁，但店员话呢款系推介所以就叫咗最后变咗我心目中嘅top 1🤩 成个面都舖满蜜糖同玫瑰干花瓣，个酱汁唔会静系得蜜糖甜味，而系真系有玫瑰花香味，超正！ 女仔必食！港式避风塘蒜香呢款做咗我男朋友嘅top 1，喜爱程度直情变咗佢食三只我食一只！佢特别钟意啲蒜粒，食落超惹味少少辣辣地，食完外面层鸡皮仲可以用鸡肉点下盘上面嘅蒜粒，务求啖啖都充满避风塘风味火辣泰仔仔冬荫呢款都系男朋友想试嘅，我自己本身都钟意冬荫公汤，但对于放落鸡翼到超级质疑，点知都系好正🤩 真系exactly冬荫公嘅味道，又辣又酸，个味仲要系浓烈个种，重口味朋友必试柠香山葵蟹籽佢比起上面个三只，个味道无咁出，但都有佢优胜之处！
呢到好近旺角地铁站，B出口一出就系啦。餐厅无櫈椅，静系有个俾人企系到食嘅位，同埋橱窗个木框都可以坐下
总共有九只味，咁我地谂住当正餐咁食，所以都谂住叫成十几只，又顺便试下唔同味
文青风玫瑰
本来无谂住叫呢款嘅，感觉鸡翼系应该配番啲浓味惹味嘅酱汁，文青同玫瑰呢两样听落去好似好淡味咁，但店员话呢款系推介所以就叫咗
最后变咗我心目中嘅top 1🤩 成个面都舖满蜜糖同玫瑰干花瓣，个酱汁唔会静系得蜜糖甜味，而系真系有玫瑰花香味，超正！ 女仔必食！
港式避风塘蒜香
呢款做咗我男朋友嘅top 1，喜爱程度直情变咗佢食三只我食一只！佢特别钟意啲蒜粒，食落超惹味少少辣辣地，食完外面层鸡皮仲可以用鸡肉点下盘上面嘅蒜粒，务求啖啖都充满避风塘风味
火辣泰仔仔冬荫
呢款都系男朋友想试嘅，我自己本身都钟意冬荫公汤，但对于放落鸡翼到超级质疑，点知都系好正🤩 真系exactly冬荫公嘅味道，又辣又酸，个味仲要系浓烈个种，重口味朋友必试
柠香山葵蟹籽
佢比起上面个三只，个味道无咁出，但都有佢优胜之处！山葵酱唔会好辣，痴哂啲蟹籽系个鸡翼上面，食落口感好丰富，一路食鸡翼，又一路feel到个口入面好爽脆咬到好多蟹籽。上面三款咁浓味，呢款好啱啲钟意啱啱好嘅
除咗啲味道咁正咁中哂我口味之外，个鸡翼都好好食。首先个鸡皮一定系脆嘅，然后最吸引嘅地方系佢入面嘅鸡肉系嫩滑得嚟唔干身，仲好热同锁咗汁系肉入面，呢个真系大加分
水蜜桃粒粒甜果茶
食完啲浓味嘅鸡翼，饮呢杯茶真系几fit，饮落唔会好甜，仲有啲生果粒系入面可以食，可以中和番啲鸡翼嘅辣味
最后食完可以将盘入面嘅放落垃圾桶，然后个盘可以循环再用👍🏿
见佢有埋开party订鸡翼服务，真心记住佢，迟啲一定会再叫！🤪🤩
张贴
