Wing Wing 哋 (已結業)

比佢个「翼来顺受」霓虹灯牌吸引住, 忍唔住入左去帮衬, 选择困难症既我见到咁多款不同口味既鸡翼真系滴汗💦, 好彩贴心既店员好热心介绍我, 分别系咸蛋黄味, 焦糖威士忌, 蒜香味同柚子味, 再加杯我最钟意饮既爱玉😍, 虽然系外卖, 但咬落去一样脆卜卜, 肉质仲好Juicy, 够晒香口, 咸蛋黄鸡翼真系无得输(食得最快停吾到🤪), 焦糖威士忌味有种好特别既口感, 甜甜地带轻微酒香, 柚子味清甜得来仲带出肉质鲜嫩口感, 好正!! 不得不赞杯爱玉卖相真系超超超靓啊😍, 仲有个好靓既名叫蓝月亮, 甜度适中, 真系好好好饮, 仲要意外地同D鸡翼夹左🤩~ 空间虽小, 但墙上面既装饰够晒创意, 果然创作力量同幻想会吓你一跳😅 一句「翼来顺受」可以话系打工仔既福音, 望住佢来食, 真系多多都受得起, 有好多得意既打卡位, 听店员讲系一班前机司开, 所以用左飞机来做主题~ 真系无谂过屋邨里面都会有呢份惊喜😍唯一美中不足, 食完饱到上心口, 要落街行番半个钟先消化到~ 下次我要试埋佢既丼饭, 睇完佢地IG既介绍，净系个外包装盒都够晒创新,款款都好吸睛👀~真系好想试吓～ Wingwing哋！有趣！