影片
更多
2021-10-30
76 浏览
我见一排冇同细佬出去食饭，就问佢有咩想食。佢话又想食鸡翼，又想食放题，于是我谂咗谂，就拣咗旺角好出名嘅鸡翼放题Wingman。我哋去到餐厅个阵，已经系下昼两点，不过里面仍然坐满咗一半人。我同细佬拣咗窗边一张二人枱，因为可以一边睇街外风景，一边静静欣赏店里面嘅装饰。抬头一睇，天花板挂住印有「光辉岁月」几只字嘅霓虹灯，令人彷佛置身于70年代嘅香港。墙上面仲挂咗好多张黑胶唱片，真系充满怀旧气息。打开餐牌，我哋发现原来有唔少鸡翼放题嘅组合可供选择。我同细佬谂就谂，就决定拣任食10款鸡翼，连同无限饮品提供嘅个𠮶餐（HK$198 + 10%）等咗唔够10分钟，第一盘热辣辣嘅鸡翼就上枱啦。侍应为咗帮我哋更加容易辨识各款鸡翼，特登好细心咁依住餐牌次序，先上头五款鸡翼，并且喺上菜𠮶阵细心讲解。我个人最钟意嘅口味系「Cajun 纽奥良香粉」。一问之下，我先知道原来呢款鸡翼都系唔少客人嘅心头好。混合咗匈牙利红椒粉、黑胡椒、辣椒粉等各种调味料而成嘅纽奥良香粉，唔单止香味浓郁，连带鸡翼嘅味道都变得好有层次。另一款超级特别嘅鸡翼叫做「死神酱」。听个名已经觉得好霸气，点知食落更加明白点解佢有呢个名堂。呢种鸡翼用咗一
我见一排冇同细佬出去食饭，就问佢有咩想食。佢话又想食鸡翼，又想食放题，于是我谂咗谂，就拣咗旺角好出名嘅鸡翼放题Wingman。
我哋去到餐厅个阵，已经系下昼两点，不过里面仍然坐满咗一半人。
我同细佬拣咗窗边一张二人枱，因为可以一边睇街外风景，一边静静欣赏店里面嘅装饰。抬头一睇，天花板挂住印有「光辉岁月」几只字嘅霓虹灯，令人彷佛置身于70年代嘅香港。
墙上面仲挂咗好多张黑胶唱片，真系充满怀旧气息。
打开餐牌，我哋发现原来有唔少鸡翼放题嘅组合可供选择。我同细佬谂就谂，就决定拣任食10款鸡翼，连同无限饮品提供嘅个𠮶餐（HK$198 + 10%）
13 浏览
0 赞好
0 留言
等咗唔够10分钟，第一盘热辣辣嘅鸡翼就上枱啦。侍应为咗帮我哋更加容易辨识各款鸡翼，特登好细心咁依住餐牌次序，先上头五款鸡翼，并且喺上菜𠮶阵细心讲解。
Cajun 纽奥良香粉
3 浏览
0 赞好
0 留言
我个人最钟意嘅口味系「Cajun 纽奥良香粉」。一问之下，我先知道原来呢款鸡翼都系唔少客人嘅心头好。混合咗匈牙利红椒粉、黑胡椒、辣椒粉等各种调味料而成嘅纽奥良香粉，唔单止香味浓郁，连带鸡翼嘅味道都变得好有层次。
死神酱
11 浏览
0 赞好
0 留言
另一款超级特别嘅鸡翼叫做「死神酱」。听个名已经觉得好霸气，点知食落更加明白点解佢有呢个名堂。呢种鸡翼用咗一款堪称史上最辣嘅辣酱烹调而成。我自问都好食得辣㗎喇，但都被佢搞到狂流眼水。我强烈建议大家要将呢款鸡翼放喺最后先食，因为食完呢款死神辣酱之后，好难再食到其他鸡翼嘅口味。
7 浏览
0 赞好
0 留言
其他几款即叫即炸嘅鸡翼都做得好出色，水牛城酱、巴马臣芝士蒜蓉酱都令我encore咗好几转。
冻柠檬茶
1 浏览
0 赞好
0 留言
我本来仲想试其他几款甜品同埋小食，但都因为太饱要被逼放弃。最后，我饮咗两杯微甜嘅冻柠茶，就为呢次放题作结。
呢个世界好多嘢都好奇怪，就好似我初头嚟呢间餐厅个阵并无抱好大期望，点知好戏总在后头。下次我哋一定要再嚟呢度品尝其他美食，特别系餐牌右下角展示嘅「意大利芝士甜品杯」。
张贴
