港澳義順牛奶公司

营业中

休息中

话说今日经过牛奶公司难得见到无人排队又唔知食咩好，一于入去医肚。坐低就叫左个鸡翼面同姜汁奶，西面呀姐问一齐上呀？我话姜汁奶后上啦，佢就即刻掉低张单系台面话后上就阵间先叫，就走左。到碗面黎，见个汤清清地试一淡啦，哇，好浓郁嘅味精同好咸呀，d味精好似唔洗钱咁。唔想浪费嘅心态食左佢，然后叫姜汁奶。点知厨房漏单，等了又等。太无聊之际想了牙，见佢地无牙签，咪用自己嘅独立包装牙线棒，了完之后将牙线棒放返系佢嘅独立包装入面然后放系台面。追左一下姜汁奶终于到啦，试一淡，甜度适中，姜汁都好浓都算系咁。食完起身想走，西面啊姐冲埋黎执碗然后大叫：了到咁核突自己执走佢啦！呢下我真系呆左两秒，乜你地要食客自带牙签黎仲要自带牙签走？然后我问个呀叔有无垃圾桶？我自己攞去掉落垃圾桶然后走。用餐总结：姜汁炖奶OK，鸡翼面咸到癫，成间舖基本上都系游客居多，可能平时西面啊姐钟意闹游客，所以态度咁差～其实呢个质素嘅嘢，游客都唔需要特别去啦，好食过佢地嘅比比皆是。