漢興茶檔

营业中

休息中

呢间茶档只开一至五，所以我要请假或病假先有机会食到。好珍贵。佢生意好到不得了，最近还装修了，坐得比以前舒服。到底呢间菜档有乜咁把炮呢？福面- 即食面我要食爽面的，最怕稔到发涨的即食面。师傅功力深厚, 真系煮到一碗食到落尾都仲系条条分明又爽口的面，赞！试过好多茶餐厅，要数汉兴的福面煮得最合我心意。鸡翼（跟面$23）- 跟面的鸡中翼有3只，是鲜炸的，大小刚好，炸得金黄香脆不油腻，咬开爆汁肉质爽口，调味渗有姜同酒, 高汁之作！有食客直情单叫一客鸡翼大饱口福！ 喜欢生炸鸡髀的朋友，一定要试试呢个鸡翼！奶油多（$9） - 平靓正。 嗌多句「多烘多奶」，好邪恶好满足。茶走 （$12）- 去茶档点可以唔试茶走？之前饮过，茶香奶滑，无得顶！其实汉兴的其他名物还有猪扒同咸牛蛋， 我觉得前者不俗但不够鸡翼出色，后者做得不错但因份量不少都比较腻。喜欢炒蛋的朋友大概会十分迷恋这个咸牛蛋的。