鮨玥 (已結業)

冒着滂沱大雨，我同朋友都要跑去苏豪东因为要食高级日本菜！鮨玥环境宽敞，装潢简约，以木为主调，充满日本风格。入面除咗卡位仲有吧枱位。香港天气太闷热，一坐低每人叫咗杯Suntory生啤，餐厅预先将酒杯冰冻，所以饮嘅时候特别爽。咁啱买两杯有擦擦咭，头奖系日本东京来回机票，可惜我抽唔中。餐厅食物款式样样有，包括刺身、串烧、丼、炸物，甚至有omakase。之前去东京嘅时候食过鸡刺身，但好难咬又冇咩味道。今次卷土重来再试鸡刺身，完完全全颠覆我对鸡刺身嘅负面印象。口感有啲似一般生鱼片，口感软绵而且多汁，更具弹性但唔会咬极都咬唔开，值得一试。牛舌虽然薄身，但非常爽口。另外牛味非常突出，充满油脂香味。烧鸡翼我钟意食，但饺子鸡翼我更钟意。鸡翼外皮香脆不在话下，馅料令鸡翼肉汁更丰富，同时令肉质更嫩滑。佐酒一流，石狩丼有六大片三文鱼同鱼卵。三文鱼够厚同好肥美，鱼卵无腥味非常鲜甜，寿司饭唔会太黏或太酸。本鲔三昧丼总共有三种唔同吞拿鱼，佢地既颜色同脂肪比例上有所不同，不过入口同样溶化，油脂甘香。中间嘅吞拿鱼蓉加左香葱同芝麻后更香，食完真系好满足。丼当然唔少得印上餐厅名字嘅蛋。总括而言，串烧同丼属于高水准，鸡刺身更