燈籠滷味 (登龍街) (已結業)

我同朋友去食饭，楼下无位，要行楼梯上去上层，我大肚，不过都唔紧要，照行上去。落单要等店员上嚟，等咗一段时间先有人理，点完餐都等咗一阵间先上到菜，我叫咗盐酥鸡，但鸡肉唔熟，无奈地我哋上层真系冇员工喺度，我又冇理由大住个肚落楼叫人上嚟，而且我又赶时间要走，所以最后落楼埋单嘅时候，就用电话展示出唔熟嘅鸡肉照片，同收银个阿姨讲啲鸡肉唔熟，我唔系要啲咩着数，手上已经拎定钱照埋单，只不过系同收银讲一声叫佢哋注意吓。不过最嬲嘅嘢系阿姨冇望过我一眼，我攞住个电话show俾佢睇成个傻婆咁，然后佢冇望过我一眼就话鸡肉粉红色系正常，你平时唔煮嘢食嘅人梗系唔知道啦。我真系呆咗喺度，我心谂虽然我真系冇乜煮嘢食，但系我知道旧鸡肉唔系粉红色咁简单，系透嘅根本就系唔熟。然后我就话如果系咁我就摆上网㗎啦，讲完呢句佢终于望我个电话，然后佢就话真系唔熟㖞。我真系觉得完全被不礼貌对待，就算我真系冇煮嘢食都唔需要咁样讲嘢另外我想讲我系大肚婆食咗啲唔熟嘅鸡肉已经好不安，仲要咁样对待我！我到而家仲系好嬲，同埋觉得好伤心！我同朋友介绍呢间嘢去食，竟然食到咁唔开心收场。我阿姨嘅嘴脸，今时今日都仲记得。我非常后悔冇拎食物去食环投诉！